O alcalde de Narón Xosé Manuel Blanco felicita dende voltaaria.com a todos os naroneses que lograron éxitos en distintos ámbitos deportivos.

O día 25 de novembro celébrase no Pazo da Cultura de Narón unha nova edición da Gala do Deporte Naronés que xa vai pola vixésimo terceira edición. O alcalde aproveita a ocasión para saudar a todas as veciñas e os veciños e felicitar aos premiados. Dialogamos con Xosé Manuel Blanco no despacho de alcaldía.

Este mes de novembro Narón celebra a súa festa , “o día de Narón” e isto nos serve para facer unha parada e describir unha fotografía do que se fixo. Dende o ámbito deportivo, ¿qué fotografía fai do Narón que temos?.

Narón sempre tivo un investimento importante no ámbito deportivo. Nós sempre tivemos na xestión a máxima de potenciar a cultura, o deporte e o ensino e este ano continuamos con esta filosofía. Como todos os concellos temos que facer recortes pero seguimos apostando e potenciando o deporte de base. Deste xeito, todo o que depende directamente do Concello se vai a manter. Si haberá algún recorte nas subencións e nalgúns convenios con clubes e entidades deportivas.

Fala de cartos e de recortes. Espéranse moitos recortes nos Ornamentos do 2012?.

No deporte que desenvolve o propio Concello non pero si haberá algún recorte nas subencións y nos convenios con entidades deportivas. Narón é un concello que adicou moito diñeiro ao deporte. Nestes últimos anos de adicou máis dun millón de euros a este fin. Nós consideramos que é necesario manter a calidade dos servizos que se prestan e para manter esa calidade é necesario que moitos veciños, que poidan, paguen as tasas correspondentes. O Concello sacará bonificacións de ata o 75% para aqueles cun nível económico baixo.

No ámbito das instalacións deportivas, sempre se pide máis. Máis campos, máis piscinas, máis pavillóns, etc. Conta Narón con todo tipo de infraestructuras?.

Contamos con casi todo tipo de infraestructuras aínda que o máis urgente que temos enriba da mesa é a construcción dunha piscina olímpica pero de carácter comarcal. Tamén é necesario potenciar os deportes de mar que tamén deben ser mancomunados, …. O tecido asociativo e deportivo naronés é amplo e superior a calquera das cidades de 40.000 habitantes.

¿Cómo vé o alcalde este tecido?.

Para nós a clave está na xestión conxunta dos clubes y tamén na unificación e correspondente abaratamento dos costes. Por último, preguntámoslle pola Gala do Deporte Naronés e o alcalde nos dixo que é necesario pulir alguns erros e felicitar aos deportistas, polos exitos acadados.

+ 0

+ 0